Mandi
Enti bala kitai diau di bandar Miri tentu kita bisi ngasai ka pengangat ari ditu. Kadang-kadang suhu pengangat ari datai bak 34Deg C. Nyau nyengat asai panas ba tuboh. Kami menyanak nyau ka 24 jam masang air-conditioning laban enda tan ngenat ka asai angat.
Bala sida uchu aku pan bakanya mega madah kediri "peluh". Kasih meda tudah nyau jempok baju laban peluh. Nya alai ari minggu ka dulu kami duai anak aku ka benama Bills lalu mantai ka "rubber swimming pool" kena sida ngerendam diri. Enggai mai sida ngagai "swimming pool" awam laban pancar mata panas kelalu angat. Nadai penyadi abis kena "heat stroke".
Rindang serta rindu amat bala sida uchu aku nyemerai berendam sarinya sampai ari nyau muak ka lemai pan semadi badu mandi. Aku arap ka pagila ari bisi chelap agi laban nitih ka "kaji cuaca", ari mendong alu bisi remang tebang dilangit. Besampi amat aku ngarap ka "suhu cuaca" urong 27 - 30 deg C.
Cuti-cuti ka Miri
posted by LimpyFrog @ 8:33 AM
2 Comments:
Oii, manah aku mai rubber pool baka enggi nuan nya ari tu! Mula mula ka mai sprinkler aja ... heheh, amat lembau mansang ngagai swimming pool ngelaban panas ma hari amat udah ngangat nya!
Manah runding nuan nya Doris. Aku empu enda tan ngelaban pengagat ari ditu, anang ka sida anembiak deh. Nigel enggau Nicole ka amat bemain basikal maya tengahari nya alai kena aku ngelimpang ka seduai alu pansut aku rubber pool kami.
Post a Comment
Subscribe to Post Comments [Atom]
<< Home