LimpyFrogMusings

Thursday, June 10, 2010

Cerita Bejait

Dalam bulan empat nyin tadi aku bisi nembu ka 3 iti “wall hanging quilts”. Nama diberi aku ka sida 3 pua tu iya nya “Our Lord’s Prayer”, “Christmas Joy” enggau “Lazy Winter Birds”.

Pua tiga iti tu digaga aku dalam taun 2003 tang aku lalu bedau bisi awak nyiap ka iya leboh mayanya suba. Tu sida udah siap, gaga amat ati aku laban bisi ga dipandang ditu.

Bansa kain kena aku tu iya nya “chinese cotton”. Kebuah aku ngena kain tu suba laban ka agi belajar ngaga corak pua lalu rega kain tu murah. Enti bisi salah gaga, enda ga ati kelalu tusah laban kain tu rega ke murah. :) Kediatu aku suah agi ngena kain “American cotton”. Bala kaban kami ke selalu begempuru ngaga pua tampong seribu sama bela ngena kain bansa tu. Dia bisi “jualan murah” lalu nurun kami sebuat ka Kuala Belait bebeli ka kain din. Mayoh agi bansa bungai ulih dipilih enti meli diKuala Belait din. Kadang-kadang minta beli bala pangan ke bisi raun ke menua Ribai ga bala kami!
Nya meh! Sampai bala sekeda belalai bebeli ka kain laban takut ditemu bala sida sulu ati! Ma bebeli ke kain enda kakang ngena belanja duit ringgit tang ma bebeli ka perengka kena besari-sari dirumah nyau bekira berapa wang ringgit ka dibelanja. Hai langgai! Endang gaya kitai indu, enti udah utainya dikedeka ati endang enda bepikir dua kali! Janji bahagia munyi ko jako bala sekeda!

Labels: , ,

4 Comments:

At June 10, 2010 6:09 PM , Blogger Puteri said...

Haha, sigi udah gian meh nya! Nadai ngira ungkus!

 
At June 11, 2010 8:52 AM , Blogger LimpyFrog said...

Amat ko nuan Doris. Bai ati rindu mega.

 
At June 21, 2010 1:35 PM , Blogger Sebugey5059 said...

Nyun,show dia gamal injin nuan..ka meda

 
At February 11, 2011 8:26 AM , Blogger KUMANGSedinang said...

ila mai aku serumpu ngaga pua nuan, aku ka belajar ari nuan ngaga laban pelajar aku baru belajar ka ABC.

 

Post a Comment

Subscribe to Post Comments [Atom]

<< Home