LimpyFrogMusings

Thursday, April 29, 2010

Bejait

Sekumbang ari bulan sebelas 2009, aku rajin amat nembu ka sekeda pua tampong seribu ka digaga ari taun 2003 suba. Gaga ati meda bisi siti dua ka udah tau dikena alu dipandang ka ngagai bala kawan. :)

Sekeda pua ka mit agik udah diberi ka sida bala uchu aku empu alu uchu menyadi aku. Nadai gambar dipandang ditu laban enda ati nyenep leboh maya puanya tembu suba.
Diatu projek baru ka benong digaga bala gerempong kami ianya “bookself”. Lungat amat ngaga pua tu sepi aku laban beguna ka runding dalam cara-cara ngaga corak bup enggau utai bukai kedeka disimpan ba rak bup. Berasai pedis pala aku maya ngaga projek tu. Enda ulih tindok jenak ma udah mikir kati ka ngaga gambar bak baris kebaru. Nyau ka tiap malam tindok jam pukul 1 pagi. “Nya baru iya! Kerja OT tanpa gaji”, ko anak aku.
Ma projek rak bup tu udah siap, kami deka ngaga “Sunbonnets”. Bela bisi udah kala ngaga “sunbonnets” bala kami sekawan tang sekali tu kami deka ngaga baru. Pua “Sunbonnets Sue” gaga aku suba diberi aku ka anak menyadi aku, Daphne. Nadai ngambi gambar pua tu suba nya alai nadai dipandang aku ditu. Projek kedulu agi gaga kami ianya “Baltimore Album”, “Autumn Leaves” enggau Thanksgiving”.Maya aku ngaga pua "baltimore album, autumn leaves enggau thanksgiving"suba, aku agi belajar milih kaler ti betul enggau “bungai” pua. Udah projeknya siap manah ga penyadi pua tu peda mata aku. :)
Pua corak biru - diberi aku ka menyadi aku ka tuai sekali.Pua corak ijau - diberi aku ka menyadi aku ke lumor 2 tuai.
Pun bulan dua2010, aku ngaga dua itu pua lalu diberi aku ka menyadi aku ka diau diKL alu siti ka menyadi aku ka tuai diau diMiri. Aku nyiap ka dua iti pua tu dalam timpoh dua bulan! Boleh tahan ma udah ka ngansing kediri! Enda berasai tembu pengawa digaga! He..he..he...
Naka tu dulu cerita aku sekali tu. Semadi nadai meh! :)
Meri tabi Selamat dalam Pengrindu Allah Taala nuju kitai semua. Shalom!

Labels:

1 Comments:

At April 29, 2010 2:55 PM , Blogger Puteri said...

Wahhhhh! I am impressed enggau hasil kerja tangan nuan! Syabas!!

Aku nadai enggau orang ngaga applique, mina machine applique aja kala. Lembau endar tulang bejait jari!

 

Post a Comment

Subscribe to Post Comments [Atom]

Links to this post:

<< Home