Begau!
Pagi tu bala kami ba opis begau laban bisi temuai datai ngagai opis lalu iya tu enda di adang datai. Sekumbang kami ke pindah ngagai opis tu dalam bulan tujuh tadi, maioh amat temuai datai lalu sida tu iya nya engkatak, ketam, ulat bulu, kelebumbu tauka kelebembang, kesulai, lalu ke saritu iya nya ular!
Kami nemu ular tu bisi leboh maia penolong opis benong nyiram serta muai daun mati bungai ke bisi di tanam kami dalam pasu.
Ko iya, ngelama tu nadai iya tepeda ke ular nya. Nya alai pikir kami maioh ular tu datai demalam lalu rindu ke opis kami tu. Engka nya nyamai meh diau dalam rumah ari diau di luar din. Nyadi opis kami rumah ke dikumbai orang gaya "G10" lalu di ubah nyadi opis gaya rumah panjai. Iya semak enggau babas, engka nya kebuah sida jelu enggau indu utai ulih datai kedalam iya.
Kami nemu ular tu bisi leboh maia penolong opis benong nyiram serta muai daun mati bungai ke bisi di tanam kami dalam pasu.
Ko iya, ngelama tu nadai iya tepeda ke ular nya. Nya alai pikir kami maioh ular tu datai demalam lalu rindu ke opis kami tu. Engka nya nyamai meh diau dalam rumah ari diau di luar din. Nyadi opis kami rumah ke dikumbai orang gaya "G10" lalu di ubah nyadi opis gaya rumah panjai. Iya semak enggau babas, engka nya kebuah sida jelu enggau indu utai ulih datai kedalam iya.
Laban leboh kami terubah datai ditu balat amat serbana ke opis tu enda nyamai alai kerja, dia deh bala sida tuan-tuan besai kami ngaga opis kami tu baka gaya rumah kitai empu. Kami bisi sip dapur, microwave oven, peti ais, kerusi sofa (manah amat sofa tu) lalu bilik dihias cara “interior design”.
Pia mega laban ke jauh ari opis besai, kami di sedia ke payung lalu enda lama agi deka di beli ke basikal kena kami kin. Kami pan di asuh meli kasut ke mar serta nyamai dikena bejalai (berega enda lebih ari RM600). Anang tekenyit bala kita meda rega kasut kami RM600. Umor aku enda kala meli kasut tinggi ari RM250. Dini meh deka meli kasut rega RM600 di menua Miri tu? Nganti raun ngagai menua bukai meh baru ngiga lalu meli iya, enti bisi!
Bakanya meh cerita aku ke diatu. Enti aku bisi maia lepa, aku ngambi gambar gaya opis kami ditu. Mupok aku.
posted by LimpyFrog @ 9:32 AM
5 Comments:
kasut rega 600 nyak ke temu aku kasut main bol.. baka ka kena david beckham .. ha ha ha .. kasut bukai enda ga aku nemu enti rega ta nyampau nya
Nya meh sir archibald..aku pan enda nemu bansa kasut kami ke indu rega rm600...engka nganti bala bisi nemuai tauka pulai ngagai menua ke bisi nyual kasut rega tu ila, aku deka bepesan ba sida awak ke meli kasut nya ke aku...terima sir archibald laban nuan ke bisi udah ngetu ba ruai aku... selamat datai lalu selamat bekala mega...:)
Simpan manah2 kasut nya boss.
Aahhh..Ninga kita pasal kasut RM600 tu! Aku nyau kasak-kasak nanya bala pangan dini tau ngulih ka kasut rega tu! Dimenua Miri tu nadai, tang nyangka di KL and menua tasik. Au, amat aku simpan manah2 kasut tu ila UK, sayau ka ngena enggau ke rusak.
Deb, aku rindu ati ngenatai ke Sir Archibald lalu ba ruai aku. Selamat datai sekali agi Sir Archibald.
GT - Tau meh nanggir ruai aku ditu enti nuan ka. Terima kasih.
Terima kasih..I'll do just that.
Post a Comment
Subscribe to Post Comments [Atom]
<< Home